ХАЛАНД, КАЗЕМИРО И САЛАХ ЗАРАБОТУВААТ КАКО „ТЕШКИ“ МИЛИОНЕРИ: Ја „соголија“ Премиер лигата! Дознајте колкави се нивните годишни плати!

Долги години Премиер лигата привлекува најголемо внимание од сите фудбалски првенства ширум светот.

Причината за тоа е огромната сума на пари што се врти секоја година на овој шампионат, не сметајќи ги најдобрите услови за играње фудбал, благодарение на фантастичните стадиони и спортските центри.

Ако се земат предвид ТВ правата, Премиер лигата е убедливо најскапата и комерцијално најмоќната и профитабилна во светот. Сите клубови во англиското првенство, од нив вкупно 20, летово потрошија околу 2,7 милијарди евра на засилувања. Луда бројка од која ви се врти главата.

Специјализираниот спортски магазин „Атлетик“ направи големо истражување и ги претстави најплатените фудбалери на англиските клубови.

Манчестер Сити

Најскап фудбалер на Граѓаните е Ерлинг Халанд. Во својата втора сезона на стадионот Етихад, Норвежанецот заработува нешто повеќе од 1.000.000 евра неделно. На годишно ниво таа изнесува околу 54.000.000 евра бруто. Откако ќе се одбијат даноците, играчот останува со 52 отсто од споменатата сума како нето заработка. Во превод тоа е нешто помалку од 29.000.000 евра.

Арсенал

Најплатените фудбалери на „топчиите“ се Букајо Сака, Мартин Едегор, Вилијам Салиба, Деклан Рајс и Габриел Жесус. Сите заработуваат нешто повеќе од 15.000.000 евра по сезона.

Ливерпул

На врвот на листата е првата ѕвезда на клубот Мохамед Салах . Египќанецот инкасира 21.000.000 евра за 12 месеци на „Енфилд“.

Челзи

Најмногу заработува во Лондон Рахим Стерлинг, околу 350.000 евра неделно, бруто околу 18.000.000 евра годишно.

Манчестер Јунајтед

Бразилецот Касемиро е лидер на платите на „Олд Трафорд“. Магазинот „Атлетик“ не прецизираше колкава е неговата плата, но изјавија дека е блиска до онаа што ја има голманот Давид Де Геа, а таа изнесува околу 22.500.000 евра по сезона.

Тотенхем

Корејскиот Сон, како прва ѕвезда на тимот, вообичаено има највисока плата, која изнесува околу 230.000 евра на неделно ниво или 12.000.000 бруто на годишно ниво.

И ова се шесте клубови кои најмногу ги плаќаат своите фудбалери во Премиер лигата. Огромни суми пари издвојуваат останатите, но овие клубови имаат најголема платежна моќ.

Најплатените фудбалери во Премиер лигата

1. Ерлинг Халанд (Норвешка) Манчестер Сити 29 милиони евра

2. Касемиро (Бразил) Манчестер Јунајтед 22,5

3. Мохамед Салах (Египет) Ливерпул 21

4. Рахим Стерлинг (Англија) Челзи 18

5. Букајо Сака (Англија) Арсенал 15

6. Сон (Јужна Кореја) Тотенхем 12

7. Бруно (Бразил) Њукасл 11

8. Лукас Пакета (Бразил) Вест Хем 9

9. Ансу Фати (Шпанија) Брајтон 7.7

10. Лука Дињ (Франција) Астон Вила 6

11. Џордан Пикфорд (Англија) Евертон 6

12. Жоао Палиња (Португалија) Фулам 5,5

13. Крис Вуд (Англија) Нотингем 5,5

14. Џордан Ају (Гана) К. палата 5

15. Пабло Сарабија (Шпанија) Волци 4

16. Понтус Јансон (Шведска) Брентфорд 3,6

17. Доминик Соланке (Англија) Бормнут 3

18. Вот Вегхорст (Холандија) Барнли 3

19. Џон Иган (Ирска) Шефилд Јунајтед 3

20. Рос Баркли (Англија) Лутон 3