Хит-видео на Модриќ и Мбапе од соблекувалната на Реал: „Има повеќе трофеи од моите години“ (видео)
Фудбалерите на Реал Мадрид го освоија премиерното издание на Интерконтиненталниот куп на ФИФА во средата во Катар. Во финалниот натпревар одигран во Лусаил, актуелниот европски првак ја совлада мексиканската Пачука со 3:0 и освои нов трофеј. Капитенот на хрватската репрезентација и капитен на Реал, Лука Модриќ ги одигра последните 20 минути и на крајот го подигна пехарот.
Никој како Модриќ
Модриќ оваа сезона одигра 25 натпревари со вкупно 1111 минути поминати на теренот. Неговиот договор е со важност до крајот на сезоната, а синојка го освои 28. трофеј во дресот на Кралевите. Во 122-годишната историја на клубот од Мадрид, ниту еден фудбалер не освоил повеќе. Еден трофеј помалку има Даниел Карвахал, а два помалку има Начо кој летово го напушти клубот. Марсело и Карим Бензема имаат по 25 трофеи.
На социјалните мрежи се појави снимка од соблекувалната на Реал на која Килијан Мбапе (26) дознава дека Модриќ освоил 28 трофеи во дресот на Реал: „Па, тој има повеќе трофеи отколку јас што имам години“, изјави Французинот и ги насмеа колегите. Видеото веднаш стана вирално меѓу фудбалските фанови.
Модриќ и Мбапе веќе освоија два трофеи заедно
Мбапе во Реал пристигна на почетокот на оваа сезона од ПСЖ откако му истече договорот, а со Модриќ веќе освои два трофеи. Прво УЕФА Суперкупот против Аталанта во август, а во среда титулата на Интерконтиненталниот куп.
Модриќ има одиграно 559 пати за Реал во сите натпреварувања. Тој постигна 39 гола и додаде 90 асистенции. По освоените шест трофеи во Динамо Загреб, Модриќ остана без ниту еден во Тотенхем. Во редовите на лондонскиот тим одигра 160 натпревари во сите натпреварувања на кои постигна 17 голови и забележа 24 асистенции.
Трофеите на Модриќ со Реал:
Лига на шампиони: 2013/14, 2015/16, 2016/17, 2017/18, 2021/22, 2023/24.
Ла Лига: 2016/17, 2019/20, 2021/22, 2023/24
Куп на кралот: 2016/14, 2022/23.
Шпански Суперкуп: 2012, 2017, 2020, 2022, 2024
УЕФА Суперкуп: 2014, 2016, 2017, 2022, 2024
ФИФА Светско клупско првенство: 2014, 2016, 2017, 20 Интерконтинентален куп 2022
: 2024 година
