Хонг Конг: Стотици луѓе присуствуваа на изложбата на пиротехнички дронови во градот

ХОНГ КОНГ – Стотици луѓе се собраа вечерва во Хонг Конг за да го проследат првото пиротехничко шоу со беспилотни летала, организирано од градот како дел од кампањата за подигање на свеста за зачувување на пандите.

За време на 10-минутното шоу, 1.000 беспилотни летала, од кои некои беа опремени со огномет, летаа над пристаништето Викторија во Хонг Конг, формирајќи слики од џиновски панди, пренесува АП.

Некои гледачи пристигнаа неколку часа пред настапот за да си обезбедат добро место за гледање, а според нив ваквите претстави би можеле да привлечат повеќе туристи во Хонг Конг.