Хорор во познато грчко летувалиште: На буниште пронајдени делови од машко тело – отсечената глава паднала од кесите

Грозоморното злосторство беше случајно откриено за време на процесот на селектирање на мешан отпад во фабрика во Акротири, Крит.

Работниците кои се занимавале со селектирање смет биле преплашени кога виделе како човечка глава испаѓа од вреќата и веднаш ги известиле надлежните.

Локалните медиуми јавуваат дека најпрво се преѕпоставувало дека станува збор за женска глава, но истрагата покажала дека се работи за глава на маж со темна кожа, најверојатно со азиско потекло, на возраст од 30-40 години.

Состојбата на телото сугерира дека грозоморното злосторство можно е да се случило во последните десет дена.

Се верува дека останатите делови од телото се во други кеси. Полицијата во моментов се обидува да утврди кој камион ја донел кесата со глава бидејќи во таа фабрика оди ѓубре од сите општини на Хање.

Покрај полицијата, во фабриката ДЕДИСА дошол и лекарски вештак, а треба да се напомене дека во полиција во последно време нема пријавено исчезнато лице.

Медиумите во Грција велат дека се очекува да биде особено тешко решавањето на злосторството поради затворената заедница на странци со азиско потекло кои се очекува да бидат цел на органите на прогонот.