ХОРОР – Шокантен извештај ја запрепасти оваа европска нација: “За 3 години биле пријавени 6.500 силувања и напади! Еве колкумина биле само осудени…“

Поразителен извештај открива дека по десетици силувања и сексуални напади се случуваат во болниците секоја недела. Официјалните податоци беа објавени од Мрежата за правата на жените, а статистиката покажува дека за само три години во Англија и Велс биле пријавени 6.500 напади со силување и напади врз деца, пишува Daily Mail.

„Болницата е место каде што пациентите, персоналот и посетителите треба да се чувствуваат безбедно. Бројките покажуваат дека реалноста е сосема поинаква и дека болниците се всушност витрини за сексуалните престапници, што е страшно“, тврди основачот на здружението, Хедер Бининг.

Помеѓу јануари 2019 и октомври 2022 година, според полициските налози во Англија и Велс, биле пријавени 2.088 силувања и 4.451 сексуални напади, или 33 случаи неделно. Во само 4,1 отсто од случаите, силувачите биле соочени и казнети.

„Полицијата не прави доволно во однос на казнувањето на силувачите, болниците се уште се места со видео надзор и ограничен пристап. Ја започнавме истрагата поради загриженоста за безбедноста на жените и децата во болничките одделенија, згрозени сме од овие резултати“, вели Бининг за весникот.

Тој додава дека реалната состојба е уште пострашна ако се земе предвид дека тоа се податоци од периодот на пандемијата со вирусот Ковид-19. Меѓу пријавените злосторства се силување на девојче под 13 години и силување на возрасна жена од страна на повторен сторител во болниците во Западен Мидлендс. Три девојчиња и едно момче биле силувани во институции во Кембриџшир, додека шест девојчиња биле нападнати во болниците во Ланкашир.

Извештајот покажува дека болниците не ја исполнуваат својата должност да ги заштитат пациентите и персоналот. Неприфатливо е фактот што 95,9 отсто од пријавите не биле дополнително обработени и не биле официјално регистрирани како кривично дело. 

„Иако истражувањето не ги наведува причините за оваа алармантна бројка, јасно е дека станува збор за неуспешна полициска заштита на жртвите“, вели Џо Феникс, професор по криминологија на Универзитетот во Ридинг кој го напишал извештајот.

Податоците анализирани во извештајот се засноваат на информации обезбедени од 43 полициски станици, додека осум, вклучително и оние во Шкотска и Северна Ирска, не можеле да дадат податоци. Во извештајот се бара Министерството за внатрешни работи на Велика Британија да постави насоки за решавање на проблемот и се бара укинување на правилата според кои трансродовите лица се сместуваат во болничките одделенија според нивната идентификација.

„Треба да има болнички одделенија за еден пол за да се осигура дека жените и девојчињата се соодветно заштитени“, се вели во извештајот.

Хедер Бининг верува дека ова не е проблем кој сам ќе се реши и дека истиот само ќе се влошува колку подолго се чека за решение.