Цените на нафтата паднаа за пет отсто поради индициите за решение на спорот во Либија
Цените на нафтата денеска паднаа за 5 отсто, на најниско ниво во последните речиси девет месеци поради знаците за договор за решавање на спорот што го запре либиското производство и извоз.
Фјучерсите на суровата нафта брент паднаа за 3,8 долари или 4,9 отсто на 73,71 долари за барел, што е најниско ниво од декември. Фјучерсите на сирова нафта West Texas Intermediate паднаа за 3,25 долари или 4,2 отсто, на 70,3 долари, што е нивна најниска цена од јануари.
Брент минатата недела падна за 0,3 отсто, додека WTI падна за 1,7 отсто.
Либискиот законодавен дом се согласи да назначи нов гувернер на централната банка во рок од 30 дена по разговорите под покровителство на ОН.
Извозот на либиска нафта од главните пристаништа беше запрен во понеделникот, а производството беше намалено низ целата земја, изјавија шест инженери за Ројтерс, додека конфликтот меѓу ривалските политички фракции околу контролата на централната банка и приходите од нафтата продолжи.
