„Човек волк“ на планина ги исплаши алпинистите: Мистериозното суштество пет години ги заинтригира мештаните (ВИДЕО)
Џина Вајс и нејзиниот пријател Тоби наишле на овој човек кој седел на карпа со дрвен стап кој личел на копје.
Планинарите од германските планини Харц забележале крајно необична средба во текот на своето истражување, кога сретнале мистериозна личност, која ја нарекле „човек волк“. Оваа мистериозна фигура живее во дивина најмалку пет години, сметаат властите.
Џина Вајс и нејзиниот пријател Тоби наишле на овој човек, кој седел на карпа со дрвен стап кој личел на копје. Двајцата биле во близина на Бланкенбург и ја истражувале областа.
Вајс (31) за „Билд“ изјави дека средбата со ова непознато лице траела околу 10 минути.
Таа го опишала човекот волк како стои и држи дрвен стап како копје, не тргајќи го погледот од нив двајца.
Изгледаше како да е од друго време, валкан и како да припаѓа на камено доба, рече таа.
Овој чуден феномен не е единствениот случај. Во текот на пет години, полицијата во Бланкенбург добила повеќе извештаи за бизарна фигура облечена во „крзно од волк или костим на волк“ која слободно шета низ дивината.
Некои сведоци тврдеа дека околу ова лице биле забележани и необјасниви светлосни феномени.
Припадниците на противпожарната бригада на Бланкенбург исто така пријавиле дека виделе маж како талка низ шумата, за да побегне кога ги забележал, објави МДР регионален јавен радиодифузер на Саксонија-Анхалт – покраината во која се наоѓа Бланкенбург
„Некој очигледно знае како да живее надвор и да се приспособи на промените на годишните времиња“, изјави за „Билд“ Александар Бек, началник на противпожарната бригада во Бланкенбург.
Покрај тоа, постои богата историја на митови и легенди за чудни суштества во овие планини, а културата околу вештерките дополнително го збогати овој регион со приказни за посебни суштества.
Областа на планинскиот венец Харц, лоцирана во северна Германија, опфаќа разновиден и лавиринтски пејзаж, обезбедувајќи плодна почва за бројни легенди и приказни кои кружат меѓу локалното население.
