Шест деца исчезнати во последните три години во Македонија се уште не се пронајдени
Во последните три години, шест деца под 14 години исчезнати во Македонија се уште не се пронајдени. Според МВР, станува збор за деца од Прилеп, Ѓевѓелија, Куманово, Штип и две деца од Скопје, по кои имало активна потрага.
Целата јавност беше вознемирена од исчезнувањето на детето од Прилеп. Станува збор за Петар Јобески, кој исчезна на 25 февруари 2022 година во село Врпско. Во моментот кога исчезнал, имал десет години.
Јавноста стана запознаена со неговото исчезнување откако членовите на семејството објавија негови фотографии и апел за помош за негово пронаоѓање на социјалните мрежи. Тогаш МВР соопшти дека детето е пријавено за исчезнато. Организирани се неколку претреси кои ги отежна снежното невреме, но Петар не беше пронајден.
Неговите родители неколкупати за „Фокус“ изјавија дека се сомневаат дека нивното дете е киднапирано и случајот сега е заборавен во јавноста. Неговата фотографија и податоци се објавени на страницата за исчезнати лица на Министерството за внатрешни работи.
Од 2022 година исчезнала и исчезнатото девојче од Куманово, Елиф Идиќ, кога исчезнала имала седум години. Исчезната е и нејзината мајка Сабина Сабединовска.
Првично роднините на девојчето објавија фотографии на социјалните мрежи, а потоа за „Фокус“ од МВР потврдија дека исчезнувањето е пријавено. По неколку недели, фотографиите на мајката и ќерката беа објавени на страницата со исчезнати лица.
Додека останатите четири деца до 14 години исчезнати од 2020 година до денес, од кои две се од Скопје, едно од Ѓевѓелија и едно од Штип и по кои беше активна потрагата, не се објавени на страницата. Кои се тие и како изгледаат, пошироката јавност не знае.
Од МВР појаснуваат дека објавувањето на веб-страницата на исчезнатите зависи од членовите на семејството, па тие требало да дадат согласност нивните најблиски да бидат прогласени за трага со фотографии и основни податоци.
Активни се потраги и за деца од земјава кои исчезнале пред неколку години и од кои нема трага.
