Шолц: Германската буџетска криза нема да влијае на помошта за Украина
И покрај буџетската криза со која се соочува германската влада, канцеларот Олаф Шолц се обиде да ја увери Украина за континуирана поддршка во нејзината борба против тековната руска инвазија.
-Германија ќе продолжи да ја поддржува Украина финансиски и со испорака на оружје, рече Шолц на денешната конференција на неговата Социјалдемократска партија (СПД) во Берлин.
Тој изјави дека Германија мора да остане во позиција да ја продолжи својата поддршка за Украина, па дури и да ја зголеми помошта доколку е потребно. Владата ќе донесе одлуки „кои ќе не задржат во позиција да продолжиме да го правиме тоа“.
-Рускиот претседател Владимир Путин „не треба и не смее“ да очекува Германија да ја намали помошта за Украина, нагласи Шолц.
Според вкупната вредност, Германија е втор по големина снабдувач на воена помош за Украина зад Соединетите држави, вклучувајќи главни борбени тенкови, тешка артилерија и системи за воздушна одбрана.
Владата на Шолц се бори околу тоа како да ја затвори огромната дупка од 17 милијарди евра (18 милијарди долари) во буџетот за следната година, како резултат на историската судска одлука со која беа укинати плановите за трошење поддржани од долгови.
-Нема да има демонтажа на социјалната држава во Германија, вети Шолц.
