Шоу на Кристијано! Спектакуларна партија на Португалецот: Постигна хет-трик асистираше со пета и направи вистинска магија! (ВИДЕО)
Искусниот португалски фудбалер Кристијано Роналдо беше апсолутен херој на првиот триумф на Ал Наср во новата сезона од Премиер лигата на Саудиска Арабија.
Богатиот Ал Насар го забележа првиот триумф во 3. коло, бидејќи на гостински терен го демолираше Ал Фатех предводен од поранешниот хрватски селектор Славен Билиќ (5:0).
Роналдо и Мане покажаа класа на овој меч.
Португалецот постигна хет-трик на натпреварот, а поранешниот ас на Ливерпул и Баерн погоди два пати.
По бројните критики кои ги доби поради слабите игри на стартот од сезоната, Роналдо беше максимално мотивиран да покаже дека сè уште не е за „старото железо“.
Tој постигна хет-трик на натпреварот, забележа атрактивна асистенција и направи неколку потези кои извлекоа воздишки од трибините. Ал Насар водеше со голот на Мане во 28. минута од натпреварот, со одличната асистенција на Роналдо со пета, а десет минути подоцна Кристијано зголеми на 2:0.
Португалецот во 55. минута одлично ја прими топката и ја смести во мрежата за 3:0. Садио Мане го постигна својот втор гол во 82. минута, а точка на натпреварот стави феноменалниот Роналдо во судиското надополнување за конечни 5:0.
