Што значи кога чоколадото ќе побели? Експертите откриваат дали е безбедно да се јаде

Експертите истакнуваат дека белата боја на чоколадото не значи дека му е истечен рокот или дека е опасно за јадење, туку дека дошло до природна промена во неговиот состав.

Ако некогаш сте го отвориле вашето омилено чоколадо и сте забележале дека површината добила белузлава боја, веројатно сте помислиле дека е расипано.

Постојат две причини зошто чоколадото станува бело: цветање на шеќер и цветање на масти.

Шеќерен цвет 

Шеќерното цветање се јавува кога чоколадото се складира на места со висока влажност. Влажниот воздух го топи шеќерот на површината, кој потоа кристализира кога чоколадото се суши. Резултатот е тенок, груб, бел слој.

Маслен цвет 

Цветањето на мастите се јавува кога чоколадото е изложено на температурни промени, на пример, ако прво било во фрижидер, а потоа на топло место. Потоа какао путерот се крева на површината и формира белузлав, мазен слој.

Иако таквото чоколадо повеќе нема совршено мазен изглед и може да има малку погруба текстура, не е расипано ниту штетно за јадење . Вкусот може малку да се измени, но чоколадото е сè уште безбедно за јадење.

За да го одржите чоколадото во најдобра состојба, чувајте го на суво и темно место, на температура помеѓу 15 и 18 степени, подалеку од извори на топлина и влага.