Јенс Столтенберг: “Во Белорусија сè уште нема многу војници на Вагнер“

„Не многу војници на руските платенички сили Вагнер се преместени во Белорусија“, изјави денеска генералниот секретар на НАТО, Јенс Столтенберг.

„Видовме одредени подготовки за прием на големи групи војници на Вагнер во Белорусија“, истакна Јенс Столтенберг, говорејќи во Брисел.

„Досега не сме виделе толку многу од нив да одат во Белорусија“, додаде тој.

„НАТО, исто така, регистрира дека лидерот на Вагнер, Евгениј Пригожин малку се движел наоколу“, вели Јенс Столтенберг, без да даде дополнителни детали.

Претседателот на Белорусија, Александар Лукашенко, претходно денес изјави дека Евгениј Пригожин се вратил во Русија по краткиот егзил во Белорусија, додека неговите војници остануваат во кампови.

На Евгениј Пригожин и на неговите војници им беше понудено безбедно засолниште во Белорусија за да го прекинат кусиот бунт на неговата платеничка сила на 24. јуни.

„НАТО внимателно ги следи движењата на трупите на Вагнер и Евгениј Пригожин“, вели Јенс Столтенберг.