Јокиќ ги прозва своите играчи и ја насмеа водителката! Го прашала за реакцијата на играчите, Србинот одговори: ,,Тие се само будали” (видео)

Кошаркарите на Денвер ја победија Минесота во петтиот натпревар од полуфиналето на Западот со резултат 112:97, а сега Нагетс водат со 3:2 во серијата!

Нагетс до третата последователна победа над Минесота ги предводеше никој друг туку српскиот кошаркар Никола Јокиќ, кој одигра уште еден натпревар за учебниците за кошарка, бидејќи мечот го заврши со 40 поени, 13 асистенции и седум скока.

Кој би помислил дека ситуацијата во оваа серија ќе се одвива вака, особено по првите два натпревари, од кои волците и двата пати излегуваа како победници. Сепак, тоа не ги демотивираше кошаркарите на Денвер, кои успеаја да се извлечат од тешката ситуација и целосно да се вратат во живот, но и да покажат зошто се актуелни шампиони во НБА лигата.

Покрај тоа, Нагетс го имаат и најдобриот кошаркар во светот – Никола Јокиќ, кому му беше врачено признанието МВП непосредно пред почетокот на натпреварот.

Неговите соиграчи на урнебесен начин го прославија овој успех, а Јокиќ по мечот ја допре таа ситуација и со својот коментар насмеа многумина.

– ,,Тие се само „будали“ кои се забавуваат. Имавме добар резултат и тие требаше да го направат тоа“, изјави Јокиќ и потоа се наврати на неговата игра:

„Мислам дека одиграв добар натпревар. Како што вели еден од моите добри пријатели Мајк Милер: „Опушти се и уживај во моментот“, додаде српскиот кошаркар.

Шестиот натпревар на програмата е меѓу четврток и петок од 2.30 часот.

,,Грбот ни е сè уште до ѕидот. Не сакаме да се предадеме. Одиме во Минесота на нова победа“, заклучува Јокиќ во изјавата за „ESPN“.