Џастин Тимберлејк открива дека му е дијагностицирана Лајмска болест: Чувствував огромна болка и луд замор
Џастин Тимберлејк одлучи јавно да открие дека му е дијагностицирана Лајмска болест.
Тој на својот Инстаграм објави дека има здравствени проблеми и дека му е дијагностицирана Лајмска болест.
„Ако сте ја искусиле оваа болест или познавате некого што ја има, тогаш сте свесни дека живеењето со неа може да биде многу исцрпувачко, и ментално и физички“, рече тој.
Ова признание дојде во време кога Тимберлејк ја завршува својата двегодишна турнеја „Заборавете го утре“, за време на која беше критикуван за слаби настапи кон крајот.
Тој откри дека бил шокиран кога дознал за својата дијагноза.
„После тоа, барем можев да разберам зошто чувствував огромна болка и само луд замор и гадење на сцената“, тврди тој.
Лајмската болест се пренесува преку каснување од заразен крлеж и првично може да предизвика симптоми слични на грип, како што се главоболка, болки во зглобовите и замор. Подоцнежните симптоми може да вклучуваат парализа на лицето, вкочанетост, отечени зглобови и оштетување на нервите.
Зборувајќи понатаму за неговата дијагноза, Тимберлејк рече дека се борел со одлуката да продолжи со турнејата и покрај здравствените проблеми. Тој објасни дека радоста што ја носи со настапот е поголема од привремениот стрес што го чувствувало неговото тело. Понатаму тврди дека е навистина среќен што продолжил до крај, пишува People.
„Не сакав да зборувам за тоа бидејќи отсекогаш сум воспитан да ги чувам работите за себе. Сепак, се обидувам да бидам потранспарентен во врска со моите борби за да не бидат погрешно протолкувани. Го споделувам сето ова со надеж дека сите можеме да најдеме начин да се поврземе повеќе. Би сакал да го дадам својот придонес за да им помогнам на другите кои се борат со оваа болест“, тврди тој.
Тимберлејк сподели и фотографија со својот син Сајлас, и им се заблагодари на сопругата и децата за нивната поддршка.
„Џес, Сајлас и Фин, ништо не е посилно од вашата безусловна љубов. Вие сте моето срце и мојот дом“, напиша тој.
