Џеки Чен откри со кои актерски легенди би сакал да игра улоги во филмови

Џеки Чен е познат по својата актерска работа за филмови како „Час на шпиц“, „Карате Кид“ и „Влези во змејот“.Во текот на неговата долга кариера, тој е препознатлив по својата уникатна комбинација на шмек хумор и впечатливи акциони сцени, кои секогаш ги изведувал сам.

Со повеќе од 150 филмови, тој се смета за еден од највлијателните актери и борци во историјата на кинематографијата. Кариерата ја започна со пет години и помали улоги, а подоцна имаше можност да соработува со Брус Ли на филмот „Тупаница на бесот“.

Својата посебна пресвртница во кариерата ја доживеа во 1978 година во филмот „Змија во орелската сенка“ каде имаше можност да ги кореографира своите борбени сцени. Следната година, филмот „Пијаниот мајстор“ му донесе меѓународен успех и го потврди неговиот статус на пионер на комичното кунг-фу.

Иако успеа да изгради исклучително успешна кариера, Чан има неколку неостварени желби за соработки со актерски легенди со кои досега немал можност да соработува.

„Отсекогаш се надевав дека ќе работам на филмови со луѓе на кои навистина им се восхитувам како Дастин Хофман и Роберт де Ниро пред да се повлечам од овој бизнис“, рече Чан.

Неговата потенцијална соработка со Хофман и Де Ниро би претставувала комбинација од различни актерски пристапи и жанрови.