Џенифер Анистон го покажа луксузниот дом, имотот вреден 21 милион долари нуди спектакуларен поглед на градот и океанот! (ФОТО)
Џенифер Анистон живее во Лос Анџелес, поточно во Бел Ер, каде во 2011 година купила луксузна зграда и ја претворила во топол дом.
Холивудската миленичка Џенифер Анистон им овозможи на обожавателите да ѕирнат во нејзиниот луксузен имот во Бел Ер, вреден 21 милион долари, кога објави видео на кое се подготвува за премиерата на нејзиниот нов филм во Лос Анџелес , „Случајни детективи 2“.
Џенифер (54) изгледаше сензационално во сребрениот фустан на Версаче што го избра за важниот настан, а покрај тоа што се пофали со својот беспрекорен изглед, нејзините 41,7 милиони следбеници можеа да видат и поглед од нејзиниот луксузен дом и пространиот двор.
Џенифер ја купи куќата во 2011 година, а истата беше дизајнирана и завршена од А. Квинси Џонс во 1965 година. Има четири спални соби, шест бањи, винарска визба, базен и гостилница, а има и спектакуларен поглед на градот и океанот.
Претходно, имаше лозје на ридот до куќата, но дизајнерот на градина Марчело Вилано и пејзажниот архитект Ен Атигер го трансформираа во надворешен простор и вистинска мала оаза составена од тераси и џебни градини инспирирани од Азија, според Architectural Digest.
Во 2018 година, во интервју за едно списание, Џенифер призна дека, доколку не глуми, и самата би сакала да биде дизајнер бидејќи го сака процесот на уредување на надворешни и внатрешни простори.
„Има нешто во изборот на ткаенини и завршните обработки што ја храни мојата душа“, рече Џенифер во 2018 година.
Актерката потоа сподели дека архитектот Фредерик Фишер ја реновирал куќата кога ја купила, но била премногу минималистичка и студена за нејзиниот вкус, па го ангажирала дизајнерот на ентериер Стивен Шадли да и помогне да ја претвори куќата во топол дом. Покрај него, таа побара помош од дизајнерите Кетлин и Томи Клементс и Џејн Холворт.
Џенифер за прв пат покажа дел од домот во 2020 година, кога на социјалните мрежи ја покажа бањата по доделувањето на наградите SAG, а потоа мермерната када и погледот на огромниот двор каде се наоѓа базенот ги привлекоа сите погледи.
Во една прилика, таа покажа и голем плакар кој се состои од три огромни плакари од подот до таванот, има полици за нејзините чанти и чевли, а поединечни полици зад стаклени врати и осветлени одозгора.
Од балконот на спалната соба има неверојатен поглед на Лос Анџелес и океанот, како и зеленилото што го опкружува, каде што ужива во својот мир и тишина.
