Џенифер Анистон откри која би била нејзината работа доколку не е актерка: За мене е многу забавно да се занимавам

Актерката Џенифер Анистон го негува својот стил уште од серијата „Пријатели“, а со текот на годините се бележат ретки избори каде погрешила во нејзиниот моден избор.
Според нејзиното чувство за мода, „чувството за убавина“ е присутно во сите сфери од нејзиниот живот.

Откако направи профил на Инстаграм, Анистон на своите следбеници им даде увид во приватноста и личниот простор и откри дека покрај глумата, се интересира и за внатрешен дизајн.

Анистон го делеше имотот со поранешниот сопруг Џастин Теру пред да се разведат во февруари 2018 година. Џенифер во тој период најмногу се занимавала со уредување на домот бидејќи во него чувствува големо задоволство.

Во 2011 година купила имот од 1965 година, а првобитната состојба на куќата била естетски најдалеку од она што го сакала.

Нејзиниот имот во Бел Ер е вреден 21 милион долари, а за да го реновира своето лозје на ридот, собрала тим дизајнери на ентериер и екстериер и со нив создала оаза во која се спојуваат стариот и новиот амбиент.

Во неколку претходни интервјуа, Анистон зборуваше за нејзината страст за дизајн на ентериер и истакна дека доколку не ја развиела својата актерска кариера, нејзината примарна работа би била дизајнот на ентериер.

“Сакам да поврзувам домови и да создавам простори. Кога влегувам во дом, гледам се што треба да се смени. Тоа е забавен процес за мене, а некои луѓе се плашат од тоа. Сепак, многу напредувам во текот на ова процес“, рече таа.

Кога го украсувала својот дом, Анистон сфатила дека сака дрво, камен и сите материјали кои зрачат со топлина и привлечност. Таа тврди дека колку и да е нешто убаво или гламурозно, мора да и биде топло за да се чувствува удобно во тој простор.