3 ВЕРИ ВО ЕДНА КУЌА КОЈА ИМА МНОГУ ИНТЕРЕСНА ПРИКАЗНА: Сите се прашуваат како децата на Еди Рама се крстат со три прста

Животната приказна на Еди Рама крие многу интересни детали за кои малкумина знаат.

Еден од најистакнатите албански политичари е актуелниот премиер на Албанија – Еди Рама. Роден во 1964 година во една од најзатворените земји во светот, од татко скулптор и мајка докторка. Освен што се занимава со политика, тој е уметник, писател и кошаркар кој има многу интересна животна приказна.

Сведоци сме дека таму каде што се истакнува мултикултурализмот, често се појавуваат несогласувања и проблеми. Сепак, семејството Рама покажа дека и покрај културната, верската и идеолошката различност, тие можат хармонично да функционираат.

Една куќа, три вери

Она што е особено интересно е што членовите на неговото семејство не ја делат истата религиозна припадност. Имено, албанскиот премиер еднаш истакна дека тој е католик, додека неговата сопруга е муслиманка, а неговите две поголеми деца се православни.

– Јас сум католик. Мојата сопруга е муслиманка. Двете постари деца се православни. Нашиот најмлад син, ако сака, може да избере да биде од еврејска вера. Станува збор за луѓе без разлика на бојата на нивната кожа, култура или религија – рекол Рама, пренесува приштински Газета експрес.

Се шпекулираше и дека децата на Рама биле крстени во Острог. Сепак, нема официјални податоци за ова, а се останува на ниво на шпекулации. Кога станува збор за Острог, интересен податок е дека таму одат луѓе од различни религии поради нивната верба во моќта на свети Василиј Чудотворец, кој им помогнал на многумина. Затоа, доколку шпекулациите за крштевањето на децата на Рама во манастирот Острог се покажаа точни, немаше да биде толку чудно.

Семејството Рам е многу познато во светот и остави белег и во политиката и во уметноста. И покрај тоа што е уметник кој дипломирал на Факултетот за ликовни уметности во Париз, Еди Рама се посветил на политиката и отишол во таа насока, додека неговиот татко и син решиле да бидат уметници.

Трагедија која остави длабока трага

Малкумина знаат дека нивното семејство доживеало голема трагедија, кога пред неколку години нивната земја ја погоди силен земјотрес во кој заедно со семејството загина девојката на синот на Рама, Грегор.

Љубовта ја криеја од јавноста, не сакаа да се експонираат пред медиумите, се знаеше само дека се во врска околу три години.

Грегор Рама на Инстаграм изјави дека „меѓу многуте жртви на оваа трагедија, е неговата најблиска личност, заедно со нејзиниот брат, мајка и татко“, и додаде дека „тие се пронајдени под урнатините“.

Синот на Еди, Грегор, засега не покажал никакви амбиции да се занимава со политика, но се одлучил за уметност. Роден е во доцните осумдесетти години, во првиот брак на неговиот татко. Дипломирал на Академијата за ликовни уметности во Тирана, следејќи ги стапките на неговиот татко, сликар, како и неговиот дедо, албански скулптор.

Кога бил во САД, кај вујко му, дознал дека боледува од рак на тестисите. Во САД се лекувал на експериментална програма. Во тоа време, неговиот татко беше неговиот најголем поддржувач. Редовно го посетувал, особено во 2009 година кога состојбата му се влошила.

Грегор успеа да се опорави со хемотерапија. Постариот син на албанскиот премиер речиси никогаш не се појавил во јавноста, се до трагедијата што го снашла кога починала неговата вереница.

Љубовниот живот на Еди Рама

Рама се ожени со актерката Матилда Макоки, со која го доби синот Грегор. Сепак, парот се разведе во 1991 година. Од 2010 година, Рама е во брак со Линда Рама, високообразована економистка и активистка на граѓанското општество.

Често можеме да ги видиме заедно на важни собири и приеми, а во тие прилики Линда не одолева да го покаже луксузот и дамски стил кој ја краси.