4-годишно дете од Струмица е во тешка состојба по физички напад – итно пренесено во Скопје

4-годишно дете од Струмица е во тешка здравствена состојба по физички напад, а вчера било донесено во Комплекс клиники „Мајка Тереза“ во Скопје, информираат попладнево од Министерството за внатрешни работи.

„Во 02:30 часот вчера во СВР Струмица било пријавено дека во струмичката Општа болница во 00:58 часот, во тешка здравствена состојба, било донесено 4-годишно дете. Тоа било пренесено во Комплекс клиники ‘Мајка Тереза‘ во Скопје, каде од доктор, констатирано било дека детето било физички нападнато“, појаснуваат од МВР.

За настанот бил информиран инспектор по малолетничка деликвенција од Одделението за криминалистички работи при ЕВР Центар и Бит Пазар. По целосно расчистување и документирање на случајот, ќе следува соодветен поднесок.