5 симптоми кои укажуваат на недостаток на цинк: Можете да го надоместите со овие намирници

Цинкот е есенцијален минерал кој игра многу важна улога во одржувањето на добро здравје. Тој е еден од клучните минерали потребни за нормално функционирање на телото и имунолошкиот систем и се наоѓа во речиси секоја клетка од телото. Иако цинкот е присутен во телото во мали количини, тој има широк спектар на функции важни за нашето тело.

Ако забележите дека се чувствувате лошо или имате други проблеми, можеби не внесувате доволно цинк. Ова се најчестите показатели за недостаток на цинк во телото.

Ослабен имунитет

Цинкот игра клучна улога во функционирањето на имунолошкиот систем, а недостатокот на цинк може да доведе до разни инфекции, бавно зараснување на раните и зголемена подложност на болести, пишува Health Shots.

Губење на апетит

Еден од раните знаци на недостаток на цинк е намалувањето на апетитот. Губењето на апетитот може да доведе до ненамерно губење на тежината и неухранетост доколку не се открие и лекува на време.

Губење на косата

Недостатокот на цинк може да доведе до проретчена коса, а во некои случаи и до зголемено опаѓање на косата. Ова се случува затоа што цинкот е неопходен за одржување на здрави фоликули на косата и стимулирање на растот на косата.

Проблеми со кожата

Недоволна количина на цинк во телото може да предизвика разни проблеми со кожата, како што се сувост, осип, акни или дури и егзема. Соодветните нивоа на цинк помагаат да се спречи ова со помагање да се одржи интегритетот на кожата.

Лоша когнитивна функција

Цинкот е важен невротрансмитер во телото и токму поради тоа недостатокот на цинк може негативно да влијае на когнитивните способности. Симптомите може да вклучуваат тешкотии со концентрирање, проблеми со меморијата и промени во однесувањето.

Од која храна можете да добиете цинк?

Цинкот може да се најде во црвеното месо (телешко, свинско, јагнешко), кикиритки, грав и морски плодови, цели зрна, жолчка од јајце, пивски квасец, црн дроб, семки од сончоглед и тиква, според списанието Healthline.

Некои студии покажаа дека исхраната која вклучува цинк ја намалува инциденцата на респираторни инфекции.