Redmi Note 14 Pro и Pro+ пристигнаа во Европа (Слики)
Xiaomi ја претстави серијата Redmi Note 14 во Кина на крајот на септември, по што овие уреди пристигнаа во Индија во декември. Сепак, сега кинеската компанија лансираше сосема поинаков сет на мобилни телефони Redmi Note 14 за европскиот пазар.
Уште на почетокот треба да се каже дека има пет нови модели, не само три, туку дефинитивно фокусот е на моделите Pro.
Redmi Note 14 Pro+ се напојува со процесор Snapdragon 7s Gen 3, кој ветува малку подобри перформанси во споредба со Dimensity 7200 Ultra од претходниот модел. Смартфонот ќе биде достапен во неколку мемориски конфигурации, основната има 8 GB RAM и 256 GB внатрешна меморија, додека најдобриот модел нуди 12 GB LPDDR4X RAM и 512 GB внатрешна UFS 2.2 меморија.
Екранот е сличен на претходниот модел, се работи за заоблен OLED панел од 6,67 инчи со резолуција од 1.220 x 2.712 пиксели. Станува збор за 12-битен панел со поддршка за Dolby Vision и HDR10+, чија максимална осветленост е 3.000 nits и користи затемнување PWM од 1.920 Hz. Чекор напред е префрлањето на заштитното стакло Gorilla Glass Victus 2, додека назад има Gorilla Glass 7i стакло (Frost Blue и Midnight Black) или веганска кожа (Lavender Purple), во зависност од бојата што ќе ја избере клиентот.
Како и минатата година, Xiaomi го опреми Pro+ со задна камера од 200 MP, сензорот од 1/1,4 инчи користи поврзување со пиксели од 16-во-1 и може да понуди 2x и 4x зумирање без загуби. Исто така, присутна е и оптичка стабилизација, која помага при 4x зумирање. Сè уште има ултра широка камера од 8 MP, а паметниот телефон има и макро камера од 2 MP.
Селфи камерата е надградена со сензор од 20 MP и поширока леќа. Функцијата Dual Video овозможува снимање со предната и задната камера истовремено.
Новиот модел се напојува со малку поголема батерија со капацитет од 5.110 mAh, а Pro+ ексклузивно поддржува брзо полнење од 120 W. Исто така, полнач од 120 W ќе биде вклучен во пакетот во некои региони.
Стандардниот Pro модел доаѓа во 4G и 5G варијанти. Овие уреди користат различни процесори, имено Helio G100 Ultra и Dimensity 7300 Ultra. Но, тоа не е единствената разлика.
Redmi Note 14 Pro 5G е повеќе како Pro+. Го користи истиот заоблен екран од 6,67 инчи со 1220p+ и истата селфи камера од 20 MP. Овој мобилен телефон е исто така отпорен на вода и прашина според IP68 стандардот, а тука е и истата батерија со капацитет од 5.110 mAh, која во овој случај сепак поддржува полнење од 45W. Треба да напоменеме и дека полначот од 45 W доаѓа во пакет, но само на одредени пазари.
Redmi Note 14 Pro 4G исто така користи заоблен OLED екран од 6,67 инчи, но резолуцијата е помала од 1.080 x 2.400 пиксели. Заштитен е со споменатото Victus 2 стакло, но е помалку отпорен со сертификатот OP64 за заштита од прскање вода. Овој 10-битен панел не поддржува Dolby Vision и HDR10+. Максималната осветленост е исто така помала и изнесува 1.800 nits.
Напред е селфи камера од 32 MP со истата поширока леќа од 0,8x. Полнењето на батеријата е исто така ограничено на 45W, но батеријата има поголем капацитет од 5.500 mAh. Полначот е вклучен во пакетот во зависност од регионот.
Важно е да се истакне дека двата модели Pro имаат исти задни камери како Pro+, главна 200 MP (1/1.4″, 16-во-1, OIS), ултра широка 8 MP и макро од 2 MP камера.
Исто така, двата модели Pro и Pro+ имаат слотови за две SIM-картички, додека двата модели 5G нудат и eSIM, за разлика од моделот Pro 4G. Од друга страна, Pro 4G е единствениот со слот за microSD. Станува збор за хибриден слот, така што корисникот може да избира помеѓу дополнителна меморија и втора SIM-картичка.
Redmi Note 14 Pro 4G чини 300 евра (8/256 GB), 14 Pro 5G чини 400 евра (8/256 GB), додека цената на моделот 14 Pro+ е 500 евра (8/256 GB) и 550 евра (12 /512 GB).
