Германците шокирани од однесувањето на словенечката ѕвезда: “ЛУКА ДОНЧИЌ ИГРАШЕ КАРТИ, ПИЕШЕ КОКА-КОЛА И ПУШЕШЕ ЦИГАРИ”
Во неодамнешниот квалификациски натпревар за СП, Германија ја победи Словенија со високи 90:71.
Интересни беа написите во одредени германски медиуми по споменатиот натпревар. Имено, sueddeutsche.de беше изненаден од активностите на најдобриот играч на словенечката репрезентација ноќта пред натпреварот.
“Лука Дончиќ , најдобриот играч на словенечката репрезентација, кој престојуваше во истиот хотел со Германците, вечерта пред натпреварот ја помина многу опуштено. Седеше далеку од гужвата, играше карти, пиеше кока-кола и пушеше цигари. Сепак, овој 23-годишен играч, еден од клучните играчи на Далас Маверикс, брзо ја загуби радоста. Затоа што покрај Вајлер-Баба, кој се прослави како одбранбен специјалист на Евролигата, и Франц Вагнер го чуваше неколку пати”, пишува германскиот портал.
Иако Словенија загуби, Дончиќ беше најефикасен на натпреварот со 23 поени.
Во квалификациите Германија има седум победи и само еден пораз и обезбеди пат на СП, а Словенија има пет победи и три порази. На Словенците им се заканува Израел.
![](https://vocentar.com/wp-content/uploads/2022/08/%D0%9B%D1%83%D0%BA%D0%B0-%D0%94%D0%BE%D0%BD%D1%87%D0%B8%D1%9C-.jpeg)