Илјадници семејства во Словачка за Божиќ без струја! Снегот создаде хаос (ВИДЕО)

Во Братислава најпрвин падна снег, а потоа почна нагло затоплување и температурите се искачија на плус 10 степени Целзиусови.

Поради обилните снежни врнежи во централните подрачја на Словачка во последните неколку часа, состојбата е влошена, па околу 18.000 потрошувачи во моментов се без струја.

Најлоша е состојбата и понатаму во областите Банска Бистрица и Брезно, но во текот на ноќта имало врнежи и во други региони, изјави за ТАСР Мирослав Гејдош, портпарол на Централната словенечка дистрибутивна мрежа (ССД), пренесе словачки „Новини“.

„Имаме 415 неисправни трафостаници, се занимаваме со 44 дефекти на високонапонско ниво и околу 40 дефекти на ниско напонско ниво“, објасни Гејдош. Во областите Банска Бистрица и Брезно околу 10.000 домаќинства се без струја, но бројот на дефекти во последните неколку часа е зголемен и во Поважа, Орава, Турци и Жиарска котлина.

Во Братислава најпрвин падна снег, а потоа почна нагло затоплување и температурите се искачија на плус 10 степени Целзиусови. Снегот почна да се топи, а во исто време почна да врне. Во главниот град поплавени се повеќе сообраќајници и паркинзи.

Најмногу се работи за подвозници или поголеми површини. На сливот на Дунав и Морава под Девина, нивото на реката почнува да ги достигнува бариерите за поплави. Дунав веќе поплави неколку тротоари во областите Девин и Карлова Вес. Главниот град на Словачка се уште не е во опасност, а според досегашниот развој на хидролошката состојба нивото на Дунав треба постепено да се намалува.