По повеќе од десет дена застој, од вчера попладне во 14:30 часот повторно сообраќа единствениот воз на релација Скопје – Битола преку Велес и Прилеп и обратно.
Возот, кој, како што велат од ЈП „Македонски железници“, не сообраќаше поради расипана локомотива, утрово во 5:46 часот, од Битола пристигна на Железничката станица во Велес на радост на голем број патници и тргна повторно на релацијата за Скопје.
![](https://mia.mk/articles/images/%D0%BF%D0%BE10%D0%B4%D0%B5%D0%BD%D0%B0%D0%BF%D1%80%D0%B5%D0%BA%D0%B8%D0%BD%D0%BF%D0%BE%D0%B2%D1%82%D0%BE%D1%80%D0%BD%D0%BE%D1%81%D0%BE%D0%BE%D0%B1%D1%80%D0%B0%D1%9C%D0%B0%D0%B5%D0%B4%D0%B8%D0%BD%D1%81%D1%82%D0%B2%D0%B5%D0%BD%D0%B8%D0%BE%D1%82%D0%B2%D0%BE%D0%B7%D1%81%D0%BA%D0%BE%D0%BF%D1%98%D0%B5%D0%B1%D0%B8%D1%82%D0%BE%D0%BB%D0%B0CNgKL/el5uZuQtl/large.webp)
Попладнево во 14:30 часот, возот тргна од Железничката станица во Скопје, а во 15:20 минути од Велес ќе продолжи кон Прилеп и Битола, информираат од Железничката станица во Велес.
Патниците од Велес, Прилеп Битола, Скопје и попатните станици бараат од МЖ повторно да се вратат и другите два воза, кои сообраќаа на оваа релација Скопје-Битола и обратно, а кои беа укинати пред околу два месеци.