Научниците забележале дека лансирањето на „Фалкон 9“ доведе до создавање дупка во еден од слоевите на атмосферата.
Ракетата на компанијата „Spacex“, во сопственост на милијардерот Илон Маск, направи привремена дупка во јоносферата, дел од атмосферата на Земјата, пишува Newsweek . Ракетата Фалкон 9 беше лансирана од вселенската база Ванденберг на 19 јули, а фотографиите од заминувањето на леталото во орбитата покажуваат црвен сјај за кој научниците веруваат дека е доказ за јоносферско дупчење.
– Ова е добро познат феномен кога ракетите согоруваат мотори на надморска височина од 200 до 300 километри. Ја прегледав снимката од лансирањето на 19 јули. Се гледа втората етапа во која моторот гори на надморска височина од 286 километри. Многу е можно да имало дупка во јоносферата – изјави за Spaceweather.com Џеф Баумгарднер, физичар од Универзитетот во Бостон .
Јоносферата е слој од атмосферата во кој количината на јони или наелектризирани честички, создадени главно од дејството на сончевото зрачење врз неутралните атоми и молекулите на воздухот, е доволно голема за да влијае на ширењето на радио брановите. Се наоѓа на надморска височина од приближно 80 до 600 километри.
![](https://vocentar.com/wp-content/uploads/2023/07/profimedia-0791461390-830x0-1-jpg.webp)
Како што пишува Newsweek, брзите ракети и нивните издувни гасови можат да ја променат јонизацијата на јоносферата. Овој феномен беше забележан порано по лансирањето на ракетата Falcon 9, особено во 2017 година. Ars Technica во 2018 година објави дека траекторијата на ракетата, исто така, придонесува за ударот врз јоносферата, и дека дупката била широка околу 800 километри поради траекторијата на ракетата, која не летала паралелно вертикално, туку исклучиво на површината на Земјата. Тие дупки во јоносферата може да имаат одреден ефект врз GPS системите, но не значително. Покрај тоа, дупките исчезнуваат по само неколку часа.