“АЛАРМАНТНО ОПАЃА ПИСМЕНОСТА НА ДЕЦАТА“ – Нов Зеланд ќе ги забрани мобилните телефони во училиштата

Владата на Нов Зеланд ќе ги забрани мобилните телефони во училиштата бидејќи има алармантен пад на писменоста, порача конзервативниот премиер, Кристофер Луксон.

Училиштата во Нов Зеланд некогаш имаа едни од најдобрите резултати за писменост во светот, но нивоата на читање и пишување паднаа до таква мера што некои истражувачи стравуваат дека има „криза“ во образованието.

Кристофер Луксон на тој начин ќе усвои политика која е тестирана со мешани резултати во САД, Велика Британија и Франција.

„Овој потег ќе го спречи одвлекувањето на вниманието во училницата и ќе им помогне на учениците да се фокусираат“, вели Кристофер Луксон.

„Ќе ги забраниме телефоните во училиштата. Сакаме нашите деца да учат и нашите наставници да предаваат“, вели тој.

Истражувачите од новозеландската добротворна организација Education Hub предупредија на „криза на писменоста“ низ годините, откривајќи дека повеќе од една третина од 15-годишниците едвај знаат да читаат и пишуваат.

Конзервативната Влада на Кристофер Луксон, која положи заклетва во понеделникот, веќе беше заглавена во контроверзии во првата недела на функцијата.

Прво, таа неочекувано ја укина водечката светска мерка за контрола на пушењето, која требаше да ја забрани продажбата на цигари на сите родени по 2008 година, што докторите тоа го нарекоа „трагично“, а потоа се согласи да го рестартира морскиот брег за истражување на нафта и гас, отфрлајќи една од нејзините поголеми политики за климатски промени поранешната премиерка Џасинда Ардерн.