Американската крајбрежна стража соопшти дека за време на потрагата по подморницата „Титан“ биле пронајдени остатоци
– Американската крајбрежна стража објави дека подводен брод пронашол остатоци за време на потрагата по исчезнатата подморница која превезувала пет лица на пат до потонатиот брод Титаник.
Се проценува дека подморницата Титан имала за околу четири дена залихи на воздух за дишење кога била нурната во неделата наутро во Северниот Атлантик.
Спасувачите донесоа неколку бродови и пловила на местото на исчезнувањето, а американската крајбрежна стража претходно денеска соопшти дека канадски подводен робот стигнал до морското дно и почнал да ја бара подморницата.
Подморницата Титан исчезна во неделата попладне на околу 700 километри јужно од Сент Џонс, Њуфаундленд, додека беше на пат кон местото каде што потона познатиот Титаник во април 1912 година.
