Археолошкиот музеј 90 минути ги отвори вратите за нудисти

Археолошкиот музеј на Каталонија во Барселона во саботата ги отвори вратите за нудисти, давајќи им на заинтересираните специјална обиколка за време на која можеа да шетаат низ просториите и да ги видат експонатите без облека.

90-минутната турнеја е организирана во соработка со Каталонскиот натуристички клуб.

Посетителите ја разгледаа изложбата на фотографии на Луиџи Спина Бронко од Риаце. На фотографиите се прикажани две огромни грчки бронзени статуи на голи воини од 5 век п.н.е., кои биле откриени во 1972 година во морето во близина на калабрискиот град Риаце.

„Сакавме посетителите да се чувствуваат исто како делата што ги гледаат“

„Сакавме да ја направиме турнејата поинтересна, а не типична тура со водич“, рече водичот Едгар Местре, кој сам ја обиколи изложбата без облека.
„Сакавме луѓето кои доаѓаат да ги видат експонатите да се чувствуваат исто како и делата што ги гледаат.

На веб-страницата на музејот на посетителите им се нуди можност „да се восхитуваат на изложените дела и да бидат во иста ситуација како статуите, целосно голи и опкружени со голи тела на други луѓе“.

„Искуството е исто како да гледате дела во облека, но разликата е во тоа што можеби подобро разбираме дека голотијата отсекогаш постоела и дека голите човечки тела не треба да бидат срам за никого“, вели здравствената работничка Марта, една од нудистите од групата..

Barcelona museum throws open its doors to nudist visitors https://t.co/hRFqDh0jHk pic.twitter.com/UPl4Q0RBLM

— Reuters (@Reuters) October 29, 2023