„Барби“ е само почеток! Се снимаат 14 нови филмови за популарните кукли: Главните холивудски ѕвезди во главните улоги

По турбулентен период одбележан со пад на продажбата на играчки, со новиот извршен директор Инон Крајц, дојде нова ера за компанијата Mattel, која веројатно ќе биде одбележана со нејзиниот влез во светот на кинематографијата.

„ Барби “, сепак, не е последна. Четиринаесет нови проекти инспирирани од играчките на Mattel се во тек, вклучувајќи ги виолетовиот диносаурус Барни, куклите Поли џеб, играчката Томас и пријателите и куклата Американско девојче.

Цел свет на продолженија на „Барби“.

Вратата е отворена и за продолженија на филмот „ Барби “, иако најверојатно без режисерката Грета Гервиг, која рече дека шансите таа да го режира вториот дел се „нула“.. Сепак, тешко дека компанијата ќе се откаже толку лесно од изградбата на франшиза заснована на филм кој заработи 380 милиони долари за само пет дена во кината.

Само неколку дена пред прикажувањето на филмот „Барби“, Крајц објави дека се надева на „цел свет на продолженија на Барби“.

– Барби како бренд има многу различни верзии. Тоа е многу широк свет. Покрај главната фигура на Барби, таа има семејство и многу елементи околу нејзиниот универзум. Тоа е многу богат универзум, полн со можности – изјави генералниот директор на компанијата за Variety, нагласувајќи дека нивната „амбиција е да создаваат филмски франшизи“.

Порталот открива и дека се подготвуваат нови проекти, а зад нив се познати холивудски имиња.

“Барни”

Виолетовиот диносаурус е инспирација за играниот филм, чиј главен продуцент е Даниел Калууја, ѕвездата на филмовите на Џордан Пил, од кои најпознат е „Бегај!“.

Роби Бренер, продуцентот кој е на чело на „Mattel Films“ и кој се потпишува и на „Barbie“, вели дека тоа ќе биде уникатен филм кој ќе потсетува на достигнувањата на Спајк Џонс.

– Секој филм што го има Барни во него дефинитивно нема да биде линеарен. Нема да го правиме „Тед“ (филм во кој плишано мече е еден од главните ликови). Знаете на што мислам – изјави Бренер.

Темата ќе биде „потрага по идентитет и пронаоѓање вистинска љубов“ и ќе биде наменета пред се за возрасните.

“Polly Pocket”

Веќе е избрана главната ѕвезда за филмот инспириран од играчката „Polly Pocket“, минијатурни кукли кои Mattel ги произведе во слатки кутии. Се работи за Лили Колинс, актерката која се прослави со улогата во серијата „Емили во Париз“, а филмот треба да го режира Лена Данам, авторката на серијата „Девојки“.

“Hot Wheels”

Најпродаваната играчка во светот ќе биде оживеана во долгометражен филм за автомобили, камиони и мотори. Продуцентот Џеј Џеј Абрамс, познат по двата наслови од франшизата „Војна на ѕвездите“ („Силата се буди“ и „Подемот на Скајвокер“), како и со филмовите „Армагедон“, „Невозможна мисија 3“ и „Ѕвездени патеки: во Темнина“, ја опиша адаптацијата како „приземна и смела“.

Бренер ги толкува неговите зборови како што значат дека филмот ќе има „вистински ликови со кои публиката ќе може да се поврзе, кои се тродимензионални и поминуваат низ емотивно патување“.

– Гледајте некој од неговите филмови. Сите тие имаат неверојатна приказна и ликови. Ова е нешто што му е многу важно – да направи филм кој не само што е забавен, туку носи вистински емоции – истакна таа.

“Rock’Em Sock’Em Robots”

Ѕвездата на „Улиците на пеколот“ Вин Дизелќе глуми во филм базиран на популарната игра со роботи на Mattel.

– Вин е возбуден. Моментално работиме на сценариото – изјави Бренер и откри дека сценарист на оваа продукција е Рајан Енгл.