Близок пријател на Шумахер откри нови детали за неговата состојба: Ваков е сега неговиот живот, добро го чуваат (фото)
Поранешниот шеф на Ферари и ФИА, Жан Тод ги даде најновите информации за здравствената состојба на неговиот поранешен колега и близок пријател и Михаел Шумахер.
Шумахер, кој освои седум титули, доживеа трагична несреќа на скијање во декември 2013 година што го остави во медицински индуцирана кома.
Оттогаш не се појавил во јавноста, а се ближи десетгодишнината од споменатата несреќа. За Германецот се грижи тим медицински персонал и неговата сопруга Корина во нивниот дом на Женевското езеро, но малку е јавно објавено за неговата состојба.
Тод, кој беше тимски шеф на Ферари кога Шумахер освои пет последователни титули помеѓу 2000 и 2004 година, даде редок увид во тоа како Шумахер напредува.
– Михаел е тука, па не ми недостига – изјави Тод за „Л’Екип“, а потоа додаде:
– Но тој едноставно не е Михаел како што беше. Тој е различен и неговата сопруга и децата прекрасно се грижат за него.
– Неговиот живот сега е поинаков и ја имам привилегијата да споделувам моменти со него. Тоа е сè што може да се каже. За жал, пред десет години го снашла трагична судбина. Тој повеќе не е Михаел што го знаевме во Формула 1 – додаде Тод.
Шумахер е еден од најуспешните Ф1 возачи на сите времиња и ги освои титулите во 1994, 1995, 2000, 2001, 2002, 2003 и 2004 година.
Семејството на Шумахер ја штити неговата приватност и се разбира дека многу нивни блиски пријатели и роднини не се ни сигурни во неговото здравје. Меѓутоа, во документарниот филм на Нетфликс „Шумахер“, кој беше емитуван во 2021 година, неговата сопруга Корина даде ретки информации. Таа откри дека тој сè уште е на рехабилитација за повредите и тврди дека сега е „поинаков, но тука“.
На фановите ќе им биде понуден редок поглед на животот на легендата на Формула 1 овој месец со нов документарен филм од пет дела од германскиот АРД, кој ќе се емитува на 28 декември, по повод 10 години од ужасната несреќа на скијање. Иако последните детали од документарецот се нејасни, се очекува да се испита неговиот подем во спортот, а исто така може да понуди повеќе увид во тоа што се случи со несреќата и како тој сега напредува.
