Брутално убиство во Косово! Ментално нестабилен син ја убил својата мајка!

Адвокатот на осомничениот рече дека тој се противи на ваквата одлука на судот, тврдејќи дека на неговиот клиент итно треба да му се изврши психијатриско вештачење.

– Основниот суд во Пеќ, Одделот за тешки кривични дела, соопшти дека на осомничениот кој ја уби мајка си му одредил 30-дневен притвор, откако судот утврдил дека барањето на обвинителот е основано и оправдано со оглед на тоа што обвинетиот се гони во истрага за тешко кривично дело, за кое законот предвидува затворска казна од најмалку десет години или доживотен затвор, како и дека обвинетиот има дозвола за престој во странство, поради што постои висок ризик за бегство или дека тој на кој било начин ќе ги избегне органите на прогонот и со тоа ќе го оневозможи или во голема мера го отежнува спроведувањето на истрагата – се наведува во судското соопштение.

Против ова решение обвинетиот има право на жалба до Апелациониот суд.

– Ова што се случи денеска е стандардна постапка, обвинителството бара мерка притвор, а јас приговорив дека на мојот клиент мора итно да му се изврши психијатриско вештачење – рече тој.

Претходно, портпаролот на Основното обвинителство во Пеќ изјави дека ваков случај досега немало.

-Обвинителството и полицијата водат интензивна истрага за целосно расветлување на ова тешко кривично дело. На местото на злосторството, полицијата многу брзо реагирала и успеала да го лоцира осомничениот и да го приведе. Деталите од истрагата не можеме да ги откриеме во јавноста, се преземаат сите неопходни мерки за расветлување на случајот – рече Никчи.

Тој додаде дека телото на убиената е испратено на обдукција во Институтот за судска медицина во Приштина и се чека извештајот на судскиот лекар.

– Ваков случај досега не се случил. Тој е многу чувствителен и мораме да ги поштедиме членовите на семејството, за да не ги повредиме повторно – рече тој.

Жена за чие убиство се сомничи нејзиниот син денеска е погребана во Пеќ во присуство на поголем број граѓани.