Веридба на 2.400 метри: три часа се качувале за да разменат прстени на врвот на планината

Давид Колаковиќ и Јована Новаковиќ од Чајетина решиле да ги спојат своите необични животи на височина и тоа на спектакуларен начин.

Давид и Јована се свршиле кај Проклетије, поранешна Тројанска планина, на северниот врв на надморска височина од околу 2.400 метри.

За време на нивната речиси четиригодишна врска знаеле да спијат под шатор во дивина на -30 степени, освоиле многу планински врвови во регионот, кампувале покрај реки, се капеле во замрзнато езеро… И тогаш не е ни чудо што решиле вака да ја официјализираат свршувачката. И со тоа направија вистински филм.

-Тоа е нашиот начин на живот. Сакавме на посебен начин да ја одбележиме нашата веридба. Седуммина отидовме во Проклетије, односно во Тројанската планина. И знаете, Тројанските планини го добиле името по Троја, па сето тоа не инспирираше да се вериме токму на тоа место – вели Давид.

По три и пол часа искачување на не така лесен терен (што може да се види на видеото) се искачиле на Северниот врв. Тој носи јакна, а таа прекрасна венчаница.

-Сето тоа го снимивме. Мојот пријател Лука Јовановиќ од Панчево го сними целиот филм кој е долг 3,17 минути и го објави на Јутјуб. На нашата свадба во почетокот на септември тој филм беше прикажан наместо првиот танц на Јоца и мојот. Целото видео е придружено со музиката „Valhalla Calling“. Ние сакаме хеви метал, па целата декорација на свадбата беше во тој стил, дојдовме во салата со олдтајмер, имаше свеќи во чаши со череп на масата и слично – вели Давид.

И сите што беа присутни на Тројанската планина и на свадбата беа воодушевени од оваа необична свршувачка и венчавка. Нека им е со среќа на младенците!