ВИДЕО | ДРАМА ВО ВАШИНГТОН – Евакуиран хотел и блокирани улиците пред Белата куќа! Камионџијата удрил во безбедносните бариери, а полицијата пронашла знаме со нацистички симболи

Американската полиција приведе камионџија кој удрил со своето возило во безбедносните бариери на плоштадот „Лафајет“ пред Белата куќа во Вашингтон во понеделникот вечерта, потврдил портпаролот на американската тајна служба, објави медиумската агенција Reuters.

Телевизијата VUSA во живо прикажа снимка од камионот како се влече покрај редот челични столбови, со униформирани полицајци и куче кои се приближуваат до возилото. Роботот со далечински управувач ја отвори задната врата на камионот. На видеото може да се види и дека во камионот е пронајдено нацистичко знаме со „Сватика“.

„Во инцидентот нема повредени, а причината и другите детали за овој инцидент се истражуваат“, објавил портпаролот на американската тајна служба Ентони Гуглиелми на својот профил на социјалната мрежа Твитер и додаде дека некои патишта и пешачки патеки се затворени во областа, пренесува медиумската агенција.

Хотел во близината на инцидентот бил евакуиран на барање на тајната служба, објави The Washington Post, а телевизијата VUSA во живо прикажа видео од камион U-Haul покрај редот челични столбови, со униформирани полицајци и полициски кучиња.

Повикувајќи се на изјави на сведоци, телевизијата објави дека возачот, веднаш удрил во бариерите на плоштадот „Лафајет“.