ВИДЕО | ИГРА НА НЕРВИ ЗА ВЛАДИМИР ПУТИН! Ова е прв пат да се употреби ново, моќно оружје: Во Русија владее општа паника!
Кремљ во понеделникот објави дека наводното вонредно обраќање на претседателот на Русија, Владимир Путин, кое беше емитувано на неколку радио и ТВ станици во руските региони кои граничат со Украина, е лажно и дека станува збор за хакерска измама или ‘deep fake’ (длабок фејк).
Вештачки генериран глас на Владимир Путин прогласи „вонредна состојба“ во регионите Белгород, Воронеж и Ростов поради заканата од напад на украинските сили. Лажниот глас на Владимир Путин им порача на жителите да ги евакуираат своите домови и да побараат засолниште во другите делови на Русија, кои се подлабоко во Русија, пренесува Newsweek.
Радио MIR, една од хакираните станици, објави дека инцидентот траел околу 40 минути. Во меѓувреме на социјалните мрежи почнаа да се шират снимки од ТВ преносот од лажното обраќање на Владимир Путин. Се уште никој не ја презел одговорноста за хакерскиот напад.
Портпаролот на Кремљ, Дмитриј Песков, претходниот ден потврди дека станува збор за измама.
Kyiv Post ја објави веста во која се вели дека властите во Белгород рекле дека станува збор за длабока измама и дека лажната порака имала за цел да сее паника меѓу жителите на Белгород.
Хана Лиубакова, белоруска новинарка, сподели снимка од ТВ на која е прикажано лажното обраќање на Владимир Путин.
Научникот Арсениј Хахалин, кој често пишува за вештачката интелигенција, напиша на социјалната мрежа Твитер дека хакерскиот напад може да биде првата употреба на ‘deep fake’ (длабок фејк) во вистинска војна како оружје.
‘Deep fake’ се компјутерски генерирани фотографии или видеа дизајнирани да изгледаат реално.
Поддржувачите кои се чини дека дејствуваат во име на Русија, или барем се сочувствуваат со војната на Владимир Путин, создадоа длабоки фејкови на украинскиот претседател Володимир Зеленски во првите недели од инвазијата, која започна во февруари 2022 година.
Во едно лажно видео, Володимир Зеленски ги повика своите војници да го положат оружјето и да се предадат на Русија. Видеото беше демантирано од украинските власти, но се прошири на социјалните мрежи пред да биде отстрането.
„Лажните објави за кои се тврди дека доаѓаат од вистински луѓе се се поголем ризик во светот под влијание на вештачката интелигенција. Во воената пропаганда, ‘deep fake’ се испорачува на убедлив начин за воен или политички ефект и може да биде многу убедлив“, тврди Филип Инграм, поранешен британски воен разузнавач, за весникот Politico за случајот со Владимир Путин.
„Претпоставувам дека тоа е нова норма. Пред неколку недели, лажна фотографија од бомбашкиот напад во Пентагон стана вирална на социјалната мрежа Твитер и предизвика пад на берзата за половина трилион долари, пред да закрепне“, предупредува Хани Фарид, професор на Универзитетот во Калифорнија „Беркли“ и експерт за форензика на дигитални медиуми.
„Кога градиме и имплементираме алатки за манипулирање со реалноста, мислам дека никој не треба да биде изненаден од фактот што разни актери, заедно со постоечките механизми на ТВ, радио и интернет, ќе го злоупотребуваат тоа. Нашите регулатори сè уште не успеаја да откријат како да постават соодветни заштитни огради во технолошкиот сектор“, објаснува тој.
Џејсон Џеј Смарт, политички консултант за постсоветска и меѓународна политика, изјавил за Newsweek дека верува оти инцидентот во пограничните региони на Русија покажува растечко отуѓување од рускиот претседател.
„Наводните дип фејкови на Владимир Путин се индикативни бидејќи велат дека сега во Русија се одвива партизанска војна. Ситуацијата е надвор од контрола. Владимир Путин повеќе не ја контролира територијата на Русија, домашните околности, па дури и она што се појавува на телевизија“, објаснува тој.
