ВИДЕО | Леброн му ја раскрвари усната на судија: „За тоа чекавте 25 години“
Леброн Џејмс случајно налета на судијата Скот Фостер доцна во втората четвртина од натпреварот 3 од финалето на Западната конференција.
Да потсетиме, Денвер Нагетс победија со 119:108, поведоа со 3:0 и беа блиску до пласман во финалето на сезоната во НБА, особено што никој во историјата не стигна до толкава негатива.
Џејмс влезе во транзиција по кошот на Џамал Мареј. Суперѕвездата на Лејкерси гледаше во топката и не следеше што беше пред него, па налета на Фостер и го удри во лицето во моментот кога го имаше свирчето во уста. Усната на Фостер почна да крвари, а лекарите на Лејкерси мораа да интервенираат.
Џејмс рече дека веќе почнал да трча, а потоа му се извини на Фостер. Судијата потоа се пошегува: „За тоа чекавте 25 години“.
Ѕвездата на Лејкерси натпреварот го заврши со 23 поени, 12 асистенции и седум скока. Ентони Дејвис имаше 28 поени и 18 скока за клубот од ЛА, додека Нагетс ги предводеа Мареј со 37 и Никола Јокиќ со 24 поени.
