ВИДЕО | ПОРАДИ ОВОЈ ЧОВЕК ИЗРАЕЛ ГО НАПАДНА БЕГАЛСКИОТ КАМП ПОЛН СО ЦИВИЛИ – Армијата објави фотографија од убиениот командант на Хамас кој е дел од организаторите на 7. октомври

Израелските одбранбени сили (ИДФ), како што официјално се нарекува Армијата на земјата, снимија фотографија од Ибрахим Бијари, командант на централната бригада Џабалија на Хамас.

Ибрахим Бијари беше убиен во вчерашниот воздушен напад на истоимениот бегалски камп за кој CNN објави дека секогаш бил полн со деца кои им приоѓале на странските новинари и се обидувале да научат англиски.

Здравствените власти во Појасот Газа, со кои раководи Хамас, објави дека во нападот на „Џабалија“ загинале најмалку 50 лица.

ИДФ на социјалната мрежа Х (Твитер) објави дека во тој процес е убиен и Ибрахим Бијари, а видео-снимките од објавата можете да ги погледнете ОВДЕ.

„Борбените авиони го елиминираа Ибрахим Бијари, командант на централната бригада Џабалија на Хамас. Ибрахим Бијари беше еден од водачите одговорни за убиствениот терористички напад на 7. октомври“, се вели во објавата на ИДФ што ја придружува фотографијата на Ибрахим Бијари.

Се наведува дека воздушниот напад ја оштетил командата и контролата на Хамас во областа и елиминирал голем број терористи кои биле со Ибрахим Бијари.

„Дополнително, се урна и подземната инфраструктура на терористите. ИДФ го повторува својот повик до жителите на таа област да се движат кон тоа подрачје заради своја безбедност“, се заклучува во објавата.