ГЕРМАНИЈА ВОВЕДУВА ДРАСТИЧНИ ПРОМЕНИ ЗА РАБОТНИЦИТЕ: Месечно ќе добиваат и до 563 евра помалку!?
Доколку корисникот на бенефицијата не сака да работи, нема да добива ништо од државата, наместо 563 евра месечно, колку што е пропишаната стандардна стапка за 2024 година.
Оние кои ќе одбијат работа во Германија повеќе нема да можат да добиваат помош во форма на паричен надоместок , изјави германскиот министер за труд Хубертус Хајл, пишува германски Билд. Според неговиот план, „секој што ќе одбие да работи, ќе му бидат ускратени бенефиции до два месеци“.
Што всушност значи тоа? Доколку корисникот на бенефицијата не сака да работи, нема да добива ништо од државата, наместо 563 евра месечно , колку што е пропишаната стандардна стапка за 2024 година.
На центрите за работа во моментов им е дозволено да скратат најмногу 30 отсто од поддршката. Последица на пресудата на Сојузниот уставен суд од 2019 година, која забрани построги санкции. Сепак, судиите дозволија построг исклучок: ако примателот на издршката одбие да прифати конкретна понуда за разумна работа без валидна причина.
„Планираната регулатива за целосно одбивање е наменета за оние кои неоправдано и произволно одбиваат да прифатат разумна работа што им се нуди. Регулативата ќе биде во согласност со пресудата на Сојузниот уставен суд за финансиски санкции против граѓаните” се наведува во официјалното соопштение.
Граѓанскиот додаток е укинат, но останува основната идеја за подобро вклучување на луѓето на пазарот на труд преку обука. На учесниците на курсевите за професионален развој ќе им се исплаќа таксата за обука и додаток за дополнителна обука. Секој што ја започнал соодветната мерка ќе добие бонус додека не ја напушти или заврши мерката.
Германската федерална влада сака да го одобри ова ново правило до 2 јануари, а потоа треба да се примени што е можно поскоро.
„Секој што не се согласува ќе мора да се соочи со потешки последици. Како министер за труд, знам едно – Германија е земја на вредни работници. Секој ден гледам луѓе кои се борат да го одржат општеството заедно. Но, некои луѓе сè уште зависат од државата, затоа што потребата за помош може да го погоди секого, без разлика дали е поради болест, невработеност или други несреќи, а за нив важи следното – можат да се потпрат на социјалната држава“, рече министерот Хубертус Хајл.
