ГЛАВНИОТ ОСОМНИЧЕН ПРЕБЕГАЛ ВО БЕЛГРАД, А ОТТАМУ ВО БУГАРИЈА – Кој ја уби 14-годишната Вања Ѓорчевска и 74-годишниот Велешанец !?

Министерот за внатрешни работи, Оливер Спасовски, денес на прес-конференција информираше дека девојчето Вања Ѓорчевска е киднапирана пред влезот на нејзиниот дом откако претходно нејзиниот татко споделил информација со организаторот за времето на нејзиното излегување. 

„Како што веќе сте запознати, мотивот е ‘користољубие’ при што едно од лицата во договор и со знаење, според привчните сознанија на член на семејството, го организирал извршувањето на кривичното дело со цел да се изнудат пари од мајката на малолетничката од кое понатаму сите инволвирани би имале материјална корист“, посочи Оливер Спасовски на заедничката прес-конференција со јавниот обвинител Гаврил Бубевски. 

Таткото на Вања Ѓорчевска е приведен, со него е извршен распит и ќе се преземат мерки по насока на Јавното обвинителство. 

Убиството на 74-годишниот жител од Велес, како што посочи Оливер Спасовски, нема никаква врска со убиството на девојчето, но имал нерасчитени односи со еден од осомничените. Неговото возило марак „Citroen“ е искористено за извршување на киндапирањето на девојчето. 

„Со тоа возило е одземена малолентичката и тоа во влезот од зградата каде живееле отако претходно според исказите на осомничените, таткото споделил информација со организаторот за денот и времето на нејзинот излегување“, порача Оливер Спасовски.

Министерот изрази сочуство до семејствата на убиените и најави дека лицето кое е во бегство, а го има извршено убиството на Вања Ѓорчевска, ќе биде изведено пред лицето на правдата.  

Првосомничениот според објавите на медиумите е Љупчо Палчевски – Палчо, а денеска на прес-конференцијата Оливер Спасовски порача дека тој заедно со неговиот адвокат со возило пребегнале во Белград, а потоа во Бугарија. По него се трага, а скопскиот обвинител Гаврил Бубевски нагласи дека против него ќе биде издадена меѓународна потерница.