ГОЛЕМА КАЗНА ЗА ЧЕТИРИ ФУДБАЛСКИ ЅВЕЗДИ НА ПСЖ – Извикувале хомофобични пароли против противниците !?
Дисциплинската комисија на Фудбалската федерација на Франција казни четворица играчи на Пари Сен Жермен со суспензија од еден натпревар затоа што скандирале навреди кон играчите на Олимпик Марсеј по првенствен натпревар.
Усман Дембеле, Ахраф Хакими, Рандал Коло Муани и Левен Курзава беа испрашувани од комисија откако беа снимени како ги злоставуваат играчите на Олимпик Марсеј по победата од 4:0 во лигата минатиот месец. Сите четворица се извинија за настанот.
На тој натпревар навивачите на парискиот клуб извикуваа хомофобични пароли кон противничките фудбалери, за што Пари Сен Жермен беше казнет со затворање на дел од трибините на два натпревари.
Поради слични инциденти во претходните години, француските клубови беа казнети или затворени трибините. Францускиот закон предвидува затворска казна до една година и парична казна од 45.000 евра за навреда на хомосексуалци на јавно место.
Од трибините на натпреварите од француското првенство често се слушаат хомофобични скандирања, клупските челници долго време ги толерираа, а фудбалските челници се мачеа да најдат соодветно решение за проблемот.
По натпреварот на „Паркот на принцовите“ пред четири години помеѓу Пари Сен Жермен и Олимпик Марсеј, за време на кој домашните навивачи извикуваа хомофобични слогани, француската лига започна акционен план со кој им овозможува на навивачите да пријават сексистички, хомофобични или расни инциденти на кои биле сведоци.
