СКАНДАЛОЗЕН СЛУЧАЈ ЈА ТРЕСЕ ВЕЛИКА БРИТАНИЈА – Медицински сестри ги дрогирале пациентите затоа што им било забавно и им ја олеснило работата

Две медицински сестри од Велика Британија се осудени за нелегално дрогирање на пациенти.

Кетрин Хадсон (54 г.) и Шарлот Вилмот (48 г.) се прогласени за виновни за давање лекови на пациенти за кои требало да се грижат без нивно знаење и согласност бидејќи тоа било забавно и им ја олеснило работата, според информациите од пресудата, пренесува Sky News.

Пресудата наведува дека тие ги злоупотребувале оние за кои се грижеле во одделението за мозочен удар во болницата „Блекпул Викторија“ помеѓу февруари 2017 и ноември 2018 година.

Ним им се судеше по девет точки, а Кетрин Хадсон беше ослободен по три точки од обвинението.

Полициската истрага беше покрената откако регистрирана медицинска сестра и рекла на полицијата дека видела дека Кетрин Хадсон во ноември 2018 година, на еден пациент му дава апчиња за спиење без рецепт, лек за кој се верува дека е опасен по живот ако се земе неправилно.

Обвинителите соопштиле дека пораките што ги разменувале Кетрин Хадсон, искусна медицинска сестра, и Шарлот Вилмот, асистент на доктор, откриваат „култура на злоупотреба“.

Обвинителот Питер Рајт рекол дека пациентите биле малтретирани.

„Им даваа седативи, за да ги забавуваат или само за да ги смират и да им го олеснат животот, а работата помалку да им биде скучна“, рекол Питер Рајт.