ГОЛЕМ ПРЕДИЗВИК ЗА ТРАМП?! Познат републикански бизнисмен ја објави својата кандидатура за претседател на САД
Американските претседателски избори ќе се одржат во 2024 година.
Богатиот републикански бизнисмен Пери Џонсон им најави на група поддржувачи дека ќе се кандидира за претседател на САД на изборите во 2024 година. На агенцијата АП, која ја пренесе оваа вест, и е интересно што само неколку часа претходно Пери Џонсон одржа говор на Конференцијата за политичко дејствување на конзервативците (CPAC) во близина на Вашингтон и во таа прилика не ја спомена својата кандидатура.
Во CPAC ќе се појават и можните ривали на Џонсон за републиканската претседателска номинација, вклучувајќи го и поранешниот американски претседател Доналд Трамп. Пери Џонсон се обиде да се кандидира за гувернер на Мичиген минатата година, но беше откриено дека илјадници потписи кои наводно ја поддржуваат неговата кандидатура биле всушност лажни.
