Гордана Јанкулоска е привремено пуштена од затвор

Апелациониот суд во Скопје ја усвои жалбата на Гордана Јанкулоска и со тоа ја ослободи од затвор. Како што е наведено, таа ќе биде ослободена на 1 ноември.

„Постапувајќи по предметот КР-133/23, Кривичниот совет на Апелациониот суд Скопје донесе решение со кое ја отфрли како неоснована жалбата на Основното јавно обвинителство за гонење организиран криминал и корупција Скопје, притоа ја прифати жалбата на осудената Гордана Јанкулоска од Скопје, со која решението на Кривичниот совет на Основниот кривичен суд Скопје го преиначи и на 01.11.2023 година осудената ја ослободи од издржување затворска казна, под услов да не стори ново. кривично дело до крајот на ослободувањето, 28.09.2024 година“, се наведува меѓу другото во соопштението.

Инаку, поранешната министерка Јанкулоска издржува затворска казна за случајот „Тенк“, за незаконското снабдување со познатиот „мерцедес“. Во 2018 година беше осудена на вкупно 6 години затвор, додека Апелациониот суд претходно и ја намали казната на 4 години.