,,Го убив брат ти” – Се огласи мајката на девојчето кое 9 години беше силувано од нејзиниот вујко! (ФОТО, ВИДЕО)

Маж (50) од грчкиот град Волос е уапсен за убиство на неговиот шура Албанец (33), јавуваат грчките медиуми. По вестта дека неговата ќерка долги години била силувана од вујкото Албанец (33), таткото го убил, а за овој немил настан проговориле неговата сопруга и сестрата на жртвата.

Таа за првпат даде изјава за мрачните медиуми и рече дека за случајот на злоупотреба дознала дури „пред неколку дена“.

„За овој настан дознав пред 3, 4 дена. Не знаев ништо. И ќерка ми не ми кажа. Мажот дозна и откако го уби, ми се јави и ми рече: „Го убив твојот брат“, рекла шокирана жената.

Потсетуваме, 18-годишната ќерка неодамна му призна на својот татко за малтретирањето кое со години го трпела од рацете на нејзиниот вујко. Тој, како што се наведува, ја терал да има различни врски со него од нејзината деветта година, ја снимал и и’ се заканил дека ќе ги објави доколку престане со тоа.

Медиумите пренесуваат дека таткото кога ја слушнал страшната вест од својата ќерка рекол дека ќе се погрижи за сè. Таткото на жртвата има три деца од првиот брак, а со втората сопруга и имал една ќерка.

Кога дознал што преживеала неговата ќерка, отишол во куќата, ја зел пушката карабина и ја замолил жената да му се јави на брат и’ и да го повика. Тие веднаш се скарале, а таткото на девојчето со рачката од оружјето го удрил Албанецот во лицето, а потоа го застрелал.

50-годишниот маж по убиството веднаш и’ се предал на полицијата. Кога полицијата пристигнала на местото на несреќата, пронашла тело со повреди на лицето и прострелна рана во градниот кош.