Грковска: И Законот за јавни набавки мора да се смени поради „црната листа“ на САД

Вицепремиерката за добро владеење, Славица Грковска, рече дека покрај донесувањето на Законот за рестриктивни мерки, со кој ќе биде ефективно ставањето функционери на црната листа на САД, ќе треба да се одобрат и некои други законски измени.

Според Грковскас, во моментов има групи кои застапуваат интереси за недонесување на ваков закон..

„Се договоривме во пакет со овој закон да предложиме некои други законски решенија со кои дополнително ќе се регулираат овие прашања, кои се поврзани со оваа тема – како што е Законот за јавни набавки и слично, за да имаме целосно решение кое ќе ги демантираме сите кои се повикуваат на наводно загрозување на Уставот и суверенитетот, само за да спречиме донесување на такви механизми“, рече Грковска.

Црните списоци на САД и Велика Британија се вклучени во законите за РСМ. Владата ги одобри измените на законот со кои се овозможува македонските граѓани и компании кои ќе се најдат на црните листи на САД и Велика Британија поради корупција или злоупотреба на службената положба, да бидат санкционирани од локалните власти.

Оваа одлука доаѓа откако минатата година на овие непожелни списоци завршија десетици македонски функционери и бизнисмени, но немаше реакција од органите на правдата во земјава.