Дали често сте сè уште гладни после јадење? Тоа може да укаже на неколку здравствени проблеми
Според нутриционистот Керол Марето, доколку вашата исхрана не е доволно квалитетна, телото може да се „побуни“ и да бара повеќе отколку што му треба. Ако јадете мала количина на хранливи материи и не се одморите доволно, на телото ќе му треба повеќе енергија.
Ако ви недостасуваат протеини , гладот ќе трае подолго. Поради оваа причина, од клучно значење е да се погрижите да вклучите многу зеленчук и овошје богати со влакна во вашата исхрана. Треба да јадете и квалитетни протеини кои се наоѓаат во јајцата , месото, рибата, гравот итн.
Стресот го зголемува производството на кортизол, што предизвикува дополнително чувство на глад. Ако често сте под стрес, јогата или медитацијата или спортувањето може да ви помогнат да го решите овој проблем.
Недостатокот на сон исто така може да биде една од причините зошто сте гладни. Квалитетниот сон е важен за регулирање на хормоните, вклучувајќи го и грелинот, кој често се нарекува „хормон на глад“, бидејќи го зголемува внесот на храна. Треба да спиете најмалку шест часа секоја вечер и да ја ограничите употребата на електронски уреди пред спиење.
Кога телото нема доволно вода , мозокот се збунува и мисли дека треба да изеде нешто за да ја задоволи жедта. Не заборавајте да пиете еден и пол до два литри вода дневно.
