Две намирници му даваат енергија на Ѓоковиќ за време на паузите: Ги има во секоја продавница, а луѓето не се свесни колку навистина се моќни
Новак Ѓоковиќ неодамна откри што консумира на теренот, за време на паузите за натпревари.
– Банани, урми и вода, навистина не ми е јасно, секој натпревар е ист, да се договориме, а тие уште не разбираат. Ми носат јаболко. Какво јаболко, човеку. Потоа наоѓам круша, без урми. Па, ми носат магнети, па секакви работи, им се насмеа Ноле во негов стил на насобраните новинари.
Урмите имаат некои прилично импресивни здравствени придобивки. Покрај многу витамини и минерали, тие се богати со антиоксиданси, го поддржуваат здравјето на дигестивниот систем, го штитат мозокот и срцето, го зголемуваат нивото на енергија и кондиција…
Три урми содржат околу 200 калории, 54 грама јаглени хидрати со околу пет грама влакна, грам протеини и без масти. Оваа количина, исто така, обезбедува помали количини на широк спектар на хранливи материи, вклучувајќи витамини Б, витамин К, калциум, железо, магнезиум, калиум, цинк и манган.
Магнезиумот е важен минерал за човечкото тело и мозок. Ја регулира функцијата на мускулите и нервите, нивото на шеќер во крвта и крвниот притисок. Неопходно е и за синтеза на протеини во телото.
Бакарот, кој се наоѓа и во урмите, му помага на вашето тело да добие доволно железо. Заедно со магнезиумот, му овозможува на телото да формира црвени крвни зрнца. Бакарот помага и во одржување на здрави коски.
Покрај ова суперовошје, Новак Ѓоковиќ консумира и банани, кои содржат три природни шеќери – сахароза, фруктоза и гликоза – а во комбинација со влакна се совршени за моментално зголемување на енергијата. Истражувањата покажаа дека консумирањето на само две банани дневно обезбедува доволно енергија за напорен тренинг од деведесет минути.
