ДИРЕКТОРОТ ЈА ПРОДАЛ КУЌАТА ЗА ДА ИМ ДАДЕ ПЛАТАТА НА РАБОТНИЦИТЕ: Изгуби 50 отсто од бизнисот, сите предвидуваа БАНКРОТ, а потоа се случи нешто НЕОЧЕКУВАНО

Пред осум години, извршниот директор на една компанија во Сиетл се одлучил на необичен потег.

Ден Прајс , всушност, тогаш решил да си ја намали платата за еден милион долари, со што сите вработени во неговата компанија ќе имаат плата од 70.000 долари годишно и повеќе. Многумина го нарекуваа херој, додека критичарите мислеа дека ќе банкротира. Меѓутоа, се случи токму спротивното.

Тој изјавил дека оттогаш бројот на вработени во неговата компанија е тројно зголемен и дека сè уште им плаќа на своите вработени 70.000 долари годишно. Како што рече, за да си ги плати сметките, морал да ги намали трошоците за живот, да ја продаде втората куќа и да ја искористи заштедата што ја имал, превземајќи голем ризик.

„Тоа е спротивно на она што луѓето го очекуваат и она што ние обично го гледаме во однос на корпорациите и компаниите“, рече тогаш Ендрју Хафенбрек, доцент по менаџмент и организација на Универзитетот во Вашингтон. Според Институтот за економска политика, просечниот извршен директор платата е 320 пати поголема од платата на просечниот работник.

Прајс рече дека и покрај успехот што неговата компанија го има со политиката, тој сака и другите компании да го следат примерот. Сепак, тоа сè уште не е случај. Тој смета дека приходите на неговата компанија „Гравити пејментс“ се многу зголемени бидејќи повисоките плати доведоа до исклучително лојални вработени.

„Процентот на вработени кои ја напуштаат нашата компанија е намален на половина. Значи, кога имате вработени кои остануваат двојно подолго, нивното знаење се зголемува со што парите вртоглаво пораснаа со текот на времето, и секако ова неможе да се спореди со моето кратење на платата“, рече тој тогаш.

Неговата компанија изгуби 55 отсто од својот бизнис за време на пандемијата во март 2020 година, а закрепна само четири месеци по колапсот бидејќи неговите вработени доброволно привремено ја намалија својата плата . За да му се оддолжат за жртвата што ја направил и соништата што ги остварил, неговите вработени решиле да му купат автомобил „Тесла“, гест кој многу значел за Прајс.

„Моите вработени направија многу повеќе за мене отколку што јас некогаш можев да направам за нив. Така што фактот што сакаа да ми дадат таков нереален, неверојатен подарок е прилично посебен. Не знам дали можам да го опишам со зборови. “ напиша тогаш Прајс со фотографијата.