Докторот откри што правел Алкарас два часа пред мечот со Ѓоковиќ: Ова е една од тајните на неговата моќ

Карлос Алкараз по триумфот на Вимблдон стана главна мета на водечките светски медиуми.

Сите се тркаат да добијат ексклузивна информација од младиот Шпанец кој по четири часа и 43 минути во финалето на 136. Вимблдон го совлада Новак Ѓоковиќ со 3:2.

Така Алкараз во разговор за шпански „Радио Естадио“ откри една од тајните на своите моќи.

Познато е дека дневната дремка од 20 до 30 минути има голема моќ за регенерација. Карлитос тоа го прави цело време, точно два часа пред натпреварот. Призна дека тоа го направил и пред финалето со Ѓоковиќ.

– И тогаш дремнав малку. Вистината е. Дури и да го играте најважниот натпревар во вашиот живот, мора да се почитуваат рутините – изјави Алкараз.

Алкараз минатата година по освојувањето на Мастерсот во Мајами откри дека во својата рутина вклучил 20-минутна дремка.

Таа година Хуанхо Лопез, личен лекар на шпанскиот тенисер, инсистираше тој да ги има овие рехабилитациони дремки.

– Дремките се околу 20 и 30 минути и Карлитос ги има два часа пред мечот. Ова ја зголемува концентрацијата и ги подобрува физичките и интелектуалните перформанси на играчите – откри докторот на Алкараз.

Интересно е што оваа дремка ја користи и Кристијано Роналдо. Дреми по 20 до 30 минути неколку пати на ден, а резултатите се очигледни и во двата случаи на големи спортисти.