ЕВРА ЛЕТАЛЕ НА УЛИЦА ПО ЕКСПЛОЗИЈА: Крадци разнеле банкомат во Германија, се уште не се знае колку пари украле! ВИДЕО, ФОТО

Непознати сторители разнеле банкомат во германскиот град Харсефелд. Според тамошните медиуми, банкноти биле расфрлани на пешачката патека и на влезот на паркингот, но не е јасно колку пари се украдени. Полицијата од улица собрала банкноти од десетици илјади евра.

Жителите во саботата околу 3 часот по полноќ ги разбудила експлозија, а како што е соопштено ова е прва експлозија на банкомат во овој град. Набрзо на местото на инцидентот дошла и полицијата, но провалниците на големо избегале.

Од силината на експлозијата целосно била уништена уште една машина во зградата. Уништена е внатрешноста на експозитурата на банката, а очевидци велат дека имало многу чад. Улицата беше преполна со шут и стакло од искршените прозорци.

Кога службите за итни случаи пристигнале на Харсефелдер Маркштрасе, откриле мал пожар на улицата пред зградата. Пожарот бил брзо изгаснат од пожарникарите, кои со помош на тешки апарати за дишење ја пребарале зградата, но не откриле други жаришта. Според согледувањата на сопственикот на куќата, сторителите наводно употребиле запалив гас пред експозитурата на банката и ја запалиле.

На лице место била и полицијата со неколку истражители и полицајци. Во регионот започна голема потрага во која учествуваше и полицискиот хеликоптер од Олденбург. За жал, потрагата беше неуспешна.

На местото на злосторството излегле осум локални противпожарни служби

На зградата е причинета значителна штета која се проценува на повеќе од 100.000 евра. Бидејќи филијалата на банката се наоѓа во густо изградениот центар на градот, првично беше активиран голем аларм.

Во инцидентот нема повредени, а спасувачката служба, која исто така била ангажирана, не морала да интервенира.

Полицијата сега бара дополнителни сведоци кои допрва треба да се појават и кои може да дадат информации за сомнителни возила или лица кои можеби се поврзани со кривичното дело.