ЕВРОПА СЕ ПОДГОТВУВА ЗА “АРКТИЧКА ЕКСПЛОЗИЈА“ – Температури под нулата, снег и во Македонија ?
Метеоролозите прогнозираат дека температурите ќе се спуштат до минус шест степени во текот на ноќта во петок и сабота во руралните делови на Шкотска, а најавени се и врнежи од снег во некои делови на Велика Британија, објави The Telegraph.
„Доаѓа ‘Арктичката експлозија’. Пороен дожд и невреме се можни во северните региони, додека остатокот од земјата и Велс треба да останат суви“, изјавил метеорологот Ејдан Мекгиверн.
„До крајот на неделата ќе пристигне студен ветер од северен правец. Оваа недела ќе биде постудена и ќе има врнежи од снег главно над ридовите во северна Шкотска. Но, на други места, во подрачја со висок притисок, претежно суво ќе биде во петок и почетокот на викендот“, најавил тој.
Крис Ингланд, продуцент за временска прогноза за Sky News, вели дека арктичкиот воздух ќе се шири низ поголемиот дел од Велика Британија во текот на следните неколку дена.
„Ќе донесе многу силен ветер, повремени врнежи од град и снег на север и исток. Подоцна во петок ќе се смири високиот притисок од запад, а во текот на ноќта ќе се развие силен мраз. Температурите претежно ќе бидат степен или два над или под нулата, но некои северни делови би можеле да забележат и неколку степени пониски температури“, предвидува тој.
Во исто време, Агенцијата за животна средина издаде бројни предупредувања за поплави. Локални поплави, предизвикани од подземните води во делови од јужна Англија, се можни до петок. Локалните крајбрежни поплави околу Норфолк, Сафолк и Есекс во петок се можни, но не се очекуваат.
Во Македонија од петок повторно се очекуваат повремени врнежи, претежно во помали количини, а можни се и снегулки, со постудено време од сабота, освен на планините и во некои низини. Ќе биде и поветровито.
